قام الفنان الكبير خالد الصاوي يكتابة قصيدة بنفسه ليهاجم بها جماعة الاخوان المسلمين و نعتهم بأوصاف مختلفة . و كان الفنان الصاوي قد إختار عنوان - شفت حكمة ربنا - لقصيدته التي قال من خلالها أن الله سبحانه و تعالى كشف جماعة الاخوان على حقيقتهم في الاحداث الاخيرة التي جرت و لازالت تدور في مصر و ان كل من ينتمي أو يؤيد هذه الجماعة هو لا يمكن أن يكون مصري و أن إعتماد هذه الجماعة لنهج العنف إنقلب على رؤوسهم .. و قد كان الفنان الصاوي نشر هذه القصيدة التي ألفها على حسابه الخاص في موقع التواصل الاجتماعي تويتر ... إليكم القصيدة كاملة ...
يا سلام يا ربنا حكمتك غامضة علينا
فجأة.. تتجلى لنا في الأخيرة هي تحكم
نفهم الرحمة وباريها شفتوا ياللي عملتوا فيها
الجماعة المؤمنة؟ آدي حكمة ربنا!
ما انتو لا خدتوا بضميركم ولا خدتوا مننا
وآدي هي البينة لما تيجوا تخلَّصوا
تفحشوا.. فتخلصوا يبقى هو ده خلاصنا
وبرصاصكم مش رصاصنا شفت يا بني البينة؟
شفتوا حكمة ربنا؟
قلتوا إن الدين سبيلكو واحنا أعداء ربنا
فاللي يحمي الدين ده منكو هي وقفة شعبنا
تخسروا الدين والوطن تترموا برة الزمن
وبوحاشة قلبكم واتحادنا كلنا
تتنفوا من نفسكم تختفوا من وسطنا
شفت يابه البينة؟ آدي حكمة ربنا
يللا سكة.. بالسلامة افتحوا لدول سكة آمنة
أما دول.. سكة ندامة يللا حلوا النحس عنا
روحوا توبوا لربنا ياللي دنستوا العمامة
واغتصبتوا مصرنا لا انتو إصلاح ولا ثورة
ولا باقي أهلنا غصب عنكم مصر حرة
ومباركها ربنا شفتوا حكمة ربنا؟
تطلعوا خونة وكفرة تطلعوا مش مننا
شفتوا مغزى البينة؟ يللا يللا حلوا عننا
اختفوا من وشنا
